في 11 سؤال يطرحها التونسى بالخارج FCR

FCR

في 11 سؤال يطرحها التونسى بالخارج FCR

Thumbnail

 

fr Lire l'article en Français   

" آلو بلادي"، الشركة الناشئة في خدمة التوانسة الّي يعيشو في الخارج و اللّي يحبو يقدمو مشاريعهم في تونس، تجاوب على 10 أسئلة يخصّو ال FCR سألوهم عشرة توانسة عايشين في الخارج.

 

1. شنوة ال FCR بالضبط؟

هو نظام امتياز يخص الضرائب تعطيه الدولة التونسية للتوانسة العايشين في الخارج حسب شروط معينة، الدولة تعطيه بش المواطنين ينجمو يجيبو المتعلقات الشخصية متاعهم و كراهبهم بعد ما يقرّوا بش يرجعو نهائيّا لبلادهم.

 

2. عمليّا، هذا شنوة يزيدني؟

حسب النظام الّي تختارو ( الاعفاء الكلّي ولاّ الجزئي من الضرائب المستحقة)، موش لازم عليك تخلّص الضرائب و مستحقّات الديوانة كي تجيب كرهبتك و متعلقاتك الشخصية في إطار رجوعك النهائي لبلادك. رد بالك!! ال FCR ما عندك فيها الحق كان مرّة في حياتك!

 

3. شنوة الشروط بش نتمتعو بال FCR ؟

لازمك تحترم بدقة ال 4 شروط التالية :

. الجنسية التونسية

. لازمك تكون عمرك على الأقل 18 سنة وقتلّي تقدم المطلب

. عمرك ما تمتعت قبل بال FCR

. عدّيت أقل من 120 يوم في تونس في العامين لخرانين ( هذا بش تجيب كرهبة) ولاّ 120 يوم في العام لخراني ( بش تنجم تجيب متعلقاتك الشخصية)

 

4. نجم نجيب كرهبتي عمرها 6 سنين؟

لا... بش تتمتع بهل امتياز الضريبي، يكون مسموحلك بش تجيب فقط :

. كراهب سياحية

. كميونة توزن أقل من 3.5 طن

.موطور

الكل عمرهم أقل من 5 سنين وقت تاريخ دخولهم لتونس ( احتسابا من اول تاريخ بداو يدورو فيه، التاريخ المحطوط على شهادة التسجيل)

 

5. و بالنسبة للمتعلقات الشخصية؟

مسموح انك تجيب الحاجات الشخصية ( اثاث، حوايج...) قيمتهم ما تفوتش 30000دت.

يتم اقصاء اي حاجة عندها طبيعة تجارية او رقم تجاري( متعلقات تجهيز، مواد بناء، بيبان...)

مثال : كان تجيب 50 صبّاط جديد ، الديوانة تنجم تحسبها نشاط تجاري و تفرض عليك انك تخلص مستحقات الديوانة

 

contact

 

 

6. شنوة نقتصد كضريبة؟

بش تجيب كرهبة خاصة، عندك الاختيار ما بين :

. اعفاء كلّي ( يقولولو RS ) : ما تخلص حتى ضريبة ديوانية ( كان تكاليف الطابع) اما ما تنجمش تبيع كرهبتك. كان مولى الكرهبة و شريكه و بالتصريح : والديك و أولادك ينجمو يسوقو الكرهبة الّي جبتها.

7. اعفاء جزئي ( بلاكة تونسية ) : حسب الحالة تخلص 35 او 40% من الضرائب الديوانية.

 

  1. 35%: كراهب سياحية (بنزين ) السيلاندر متاعهم ما يفوتوش 2000 cm3
  2. 40% :كراهب ( ديزل و بنزين ) تفوت 2000 cm3
  3. 25% : الكراهب ذات طراز تجاري و الموطورات

 

8. انا معرس... مرتي عندها الحق في ال FCR؟

إي ... من 2016، الشريك ( مرتك ولاّ راجلك) ينجم يتمتع بعربة ثانية حسب نظام ال FCR على شرط الشريك يحترم كل شروط لقبول متع ال FCR

.9كيفاش نحضر دوسي FCR؟

لازمك تحط دوسي كامل في الشباك الوحيد للديوانة في تونس ولاّ في مكتب التواصل بين المناطق.

 

الوثائق اللاّزمة ( بش تجيب متعلقات شخصية )

. نسخة من بطاقة التعريف متاعك و نسخة من بطاقة تعريف شريكك.

. مضمون ولادة متاعك

. نسخة مجواز السفر متاعك و نسخة من جواز سفر شريكك ( 32 صفحة)

. ورقة التنقلات الحدودية( موجودة عند المستشارين ولاّ مكتب التونسيين في الخارج في وزارة الداخلية في تونس)

. ليستا دقيقة فيها المتعلقات الشخصية متاعك حسب ورقة تعطيهالك الديوانة التونسية

. تصريح في الديوانة و مطلب امتياز ضريبي ( الاوراق تطلبهم من عند الديوانة التونسية)

 

الوثائق اللازمة ( بش تجيب كرهبة)

. نسخة من بطاقة التعريف متاعك و نسخة من بطاقة تعريف شريكك.

. مضمون ولادة متاعك

. نسخة مجواز السفر متاعك( 32 صفحة)

. ورقة التنقلات الحدودية( موجودة عند المستشارين ولاّ مكتب التونسيين في الخارج في وزارة الداخلية في تونس)

. شهادة التسجيل متع الكرهبة ( البطاقة الرمادية في فرنسا)

. فاتورة الشراء بالنسبالنسبة للعربات الّي ما عندكش 6 اشهر ملّي شريتهم.

. شهادة تحديد العربة تاخذها من عند وكالة النقل البري في تونس يقولولو ( service des Mines) ( Annexe 5)

. رخصة جولان تعطيهالك الديوانة التونسية وقتلّي تدخل العربة لتونس.

. تصريح في الديوانة و مطلب امتياز ضريبي ( الاوراق تطلبهم من عند الديوانة التونسية)

 

.10 شنوة الاجل المحدد للقيام بالعملية ؟

خارج الصيف، لازمك تحسب ما بين2 و 5 ايام لاجراء العملية كاملة حتى تاخذ البطاقة الرمادية. في الصيف، مع نظام الحصة الواحدة و كثرة الناس، العملية تنجم تاخذ حتى 8 ايام.

 

.11 نجم نبيع ال FCR متاعي ؟؟

لا ! حسب المرسوم الجديد لوزارة المالية الصادر في 18 مارس 2018 ، لازمك تولّي تستنى عام من تاريخ تسجيل العربة بش تنجم تبيع الكرهبة الّي جبتها من البرّه حسب نظام FCR.

خلال الفترة هذي ، يتم تسجيل السيارة تلقائياً في ن.ت "نظام توقيتي" مع هذا الذكر على بطاقة التسجيل التونسية "لا يمكن بيعها لمدة سنة واحدة"

 

سؤال Allobledi : ما فهمت شي... وإلا تحب تزيد تفهم؟

Allobledi إلي عملوها توانسة عايشين فالخارج كيفكم، موجودين باش نجوبكم على اسئلتكم الكل. باش تتصلوا بنا، انزلوا هنا.

 

سمير بوزيدي

إشترك في صفحتنا على الفيسبوك

 

Commentaires

نجم نهبط 2 سيارات الاولى سياحية و الثانية شاحنة على نضام الagriment في نفس الوقت

Soumis par Adel (non vérifié) le mar 04/12/2018 - 21:25


عندي كرهبة موديل 2016ن ت كنحب تبيعها ندفع علاها 100% ديوانة؟

Soumis par معز (non vérifié) le sam 05/01/2019 - 00:44


عسلامةانحب نستعمل افسيار اثاث واغريمو في نفس الوقت شنوا كيفاش نعمل باش نحل دوسي

Soumis par نعيمة (non vérifié) le mar 15/01/2019 - 20:01


نحب نهبط كرهبة اخري بالرغم هبطت كرهبة علي الاقريمون هل عندي الحق اولا و ثانيا ادا كان عند الحق المدة الزمنية بين كل تهبيط لازم تكون سنتين مع العلم ان لدي بهذه السنة 4 سنوات يعني انا هبط كرهبة في الصيف و بقت في الديوانة 5اشهرنتجية نقص المدة السنتين و بعد خرجتها في جانفي و سوال اخر هل يجوز بيع السيارة الاولي بعد القيام بالاجراءات اللازمة . و شكرا

Soumis par عاطف (non vérifié) le sam 02/02/2019 - 22:37


بربي انا عديت في سعودية عام ثلاث شهور و بعد روحت لتونس بقيت 112 يوم و رجعت السعودية نحب نعرف وقتاه نجم روح باش نتمتع بال fcr

Soumis par زهير الفرحاني (non vérifié) le dim 03/02/2019 - 01:07


"هل تم العمل بالقانون الذي يسمح للاخوة بسياقة سيارة"
ن ت" حيز التنفيذ بعد المصادقة عليه من قبل مجلس النواب

Soumis par Feten (non vérifié) le lun 11/02/2019 - 15:30


Nheb nesel kifach nestghal fcr mta3i fi dbach mta3i Ena dakhelt sayara fi 2017 bel fcr mta3i w tawa nheb ndakhel dbach kifach na3mel

Soumis par Saber abidi (non vérifié) le jeu 14/02/2019 - 11:42


كيفاش نجم ندخل موبل من ايطاليا لتونس

Soumis par يحي (non vérifié) le mar 26/02/2019 - 10:23


خويا جاب سيارة ن ت من فرنسا وعملي توكيل لسياقتها عن طريق الديوانة السؤال هل يسمح لي القانون الذهاب بها للجزائر لزيارة الاقارب وشكرا

Soumis par احمد السديري (non vérifié) le mer 27/02/2019 - 19:49


C mon premier an à l’étranger . Pour avoir mon FCR , est ce que je peux dépasser les 90 jours par an en Tunisie ?

Soumis par Foued Mhedhbi (non vérifié) le ven 29/03/2019 - 05:25


من غير من خلص دوانا. وشكرا Fcr إنجم نجيب كرهبا أكميون 3.5 على

Soumis par Aroussi (non vérifié) le mar 02/04/2019 - 21:59


خويا عندو كميون هيونداي وزنو 1060ت كيفاش ينجم يعملي توكبل
في بالي نحوه التوكيل في قانون المالية 2019
بجاه ربي فهموني راو البوليسية وين اشدوني اقولولي معنى حتى علم بالقانون الجديد وماجتناش حتى مذكرة عليه

Soumis par وليد (non vérifié) le jeu 04/04/2019 - 18:39


Ana 3andi fcr w mzlt masta3methech, shih kif n3ares btounsiya w ana mzlt masta3maltech fcr ta3i tmout fcr mta3 marti?

Soumis par Oussama Klabi (non vérifié) le sam 13/04/2019 - 11:50


Belahi fahmoni feha kifeh hedhi Kan najem 3am Jay neChri karheba ou mnin m3a le 3alem Ani n3ich f dzair chlazemli ki NwaLi 3omri 18 anS njem nchri krheba wla la où mnin m'en tonus nechraha wla m'en dzair ou chlazemli dossier ??? Awra9 Bach najem nechreha

Soumis par Fayrouz (non vérifié) le mar 16/04/2019 - 20:37


هل دخل حيز التنفيذ بالقانون الذي يسمح للاخ قيادة سيارة ن ت ؟؟

Soumis par Nizar (non vérifié) le jeu 25/04/2019 - 01:50


بعد تفعيل القانون الجديد فيما يخص السيارة الثانية في العودة النهائية، هل يسمحلي القانون ندخل السيارة الثانية مع دفع معلوم 25% ضريبة ديواتية قبل ما نستنغع بالاعغاء الكلي ؟
شكرا

Soumis par MedHosnio (non vérifié) le ven 26/04/2019 - 07:23


Belahi chnouwa najem njib bl fcr w agrement w chnouwama l 7wayej li najem nda5lhom b 30000

Soumis par Abdallah (non vérifié) le ven 03/05/2019 - 17:29


Slm 3andi fcr w 3andi l'agrement chnia l moda l fasla binethom bech nhabt zouz krahb

Soumis par Abdallah (non vérifié) le ven 03/05/2019 - 17:51


سيارة نظام نت صنعت سنة 2003 مستوردة سنة2005 احترقت تماما,,,حسب تقرير الشرطة والحماية المدنية وخبير شركة التامين,,,ما علاقة الموضوع بالديوانة من الناحية المالية ؟؟؟؟؟؟؟ وشكرا سوسة في 06-5-2019

Soumis par lajili mohamed (non vérifié) le mer 08/05/2019 - 02:49


عندي عشرة سنين في قطر قبل مانعرس مرتي هبطة سيارة انا مازالة عندي متاعي السؤال كم FCR عندي 1 أو 2
شكرًا

Soumis par Ahmed fellari (non vérifié) le dim 12/05/2019 - 09:42


انا عديت عام و 7 اشهر في قطر وما روحتش فيهم عندي الحق فيfsr ونجم اروح بكرهبة ولا

Soumis par Bassem (non vérifié) le mer 22/05/2019 - 22:08


ولاFcrانا عندي 19 شهر البرة من تونس عندي الحق في ال

Soumis par خليل (non vérifié) le ven 24/05/2019 - 02:00


Njam njib karhba mn libya bel fcr

Soumis par haroun (non vérifié) le sam 25/05/2019 - 01:17


Brabi ana n7eb nhabet karhba citroen jumpy
Fi chhar oktober
Gadech yelzmni wa9t bch n5arejha mil passport
W chnouwa lawra9 lmatloubin w gadech yetklfou flous

Soumis par Hmissi Sami (non vérifié) le lun 27/05/2019 - 15:00


السلام
انا دخّلت كرهبة ن ت. و قعت 7 شهور في تونس. تو جاني ظرف يلزم نرجع للخارج و نحب نرجع الكرهبة معايا.
قريت في صفحت الديوانة انّي يحقلي نعمل اعادة تصدير كيف يكون قعد اقل من عام من تاريخ بداية ال ن ت.
السوال : كيف نرجع انا للخارج مع الكرهبة تبقى عندي ولاّ لا؟؟؟
fcr متعيا

Soumis par حاتم غريسي (non vérifié) le mer 29/05/2019 - 05:30


J’ai une voiture mercedes c200 2012, je veux la remmener en tunisie je veux savoir combien je vais payer comme impôts?

Soumis par Amine (non vérifié) le mer 12/06/2019 - 16:59


انا زوجتي جابلها خوها سيارة من فرنسا ن.ت نجمشي انا نسوقها كي تبدا هي معايا

Soumis par معز بوزيان (non vérifié) le lun 17/06/2019 - 19:48


لقد أدخلت سياره سياحيهمنذ خمسة سنوات وقد دفعت خمسة وعشرون بالمايه معلوم الديوانية
/.هل لي حق في ادخال سياره ف س ر

Soumis par Halaouet (non vérifié) le jeu 27/06/2019 - 22:47


أنا عندي 16 شهر في قطر عندي الحق في أفسيار

Soumis par Wajdi ismail (non vérifié) le sam 29/06/2019 - 09:22


السلام عليكم عندي 8سنين نعيش بالخارج مروح في الصيف إنشاء الله في ستافات فيها بعض الأغراض المنزلية وموتور كوازاكي 800 نحب نخلاهافي البلاد للصيافي. إنجم ندخلها
ن ت ارجو الرد شكرا

Soumis par Mohamed Bouraoui (non vérifié) le dim 30/06/2019 - 11:26


Je réside la France depuis 33 ans j'ai acheté quelques terrains pour investir dans l'agriculture en Tunisie or je reçois un redressement fiscal , c'est normal ça ??
Merci Mère Mmes

Soumis par MIDOUNI Mohame… (non vérifié) le mar 02/07/2019 - 21:57


سلام عليكم انجم نتدخل سيارة عمرها ٨سنوات الي تونس

Soumis par Omar (non vérifié) le dim 07/07/2019 - 09:39


Ajouter un commentaire

Opportunités immédiates

Dernières opportunités à saisir
Coup de coeur
520 000 DT
3 200
Livraison immédiate
Coup de coeur
395 000 DT
3 200
Livraison immédiate
Coup de coeur
2 000 000 DT
5 800
Livraison immédiate
Coup de coeur
681 000 DT
681
Livraison immédiate
Coup de coeur
650 000 DT
170
Livraison immédiate
Coup de coeur
277 000 DT
731
Livraison immédiate
Coup de coeur
240 000 DT
2 300
Livraison immédiate
Coup de coeur
365 000 DT
2 120
Livraison immédiate